МАСТАЦКАЯ ГАЛЕРЭЯ: ВОЛЬГА БЯЛІЦКАЯ
|
Вольга скончыла Беларускую
акадэмію мастацтваў, вольны мастак.
Вершы напісаны А.Кузьнечыкам спецыяльна да творчых працаў (паводле
правапісу да рэформы 1933 года - тарашкевіцы).
|
Перабіраю каралі,
зьвітыя з чорнай рабіны,
ссохлае лісьце гартаю -
кнігі ўспамінаў бачыны.
Па дэкарацыі сонца
шоргаюць сонныя хмары.
Неспадзяванаю госьцяй
роспач за сьпінаю стала.
У цьмяным шыбы люстэрцы
крыгі вачэй забойчых.
Ластаўкай б'ецца ў клетцы
сэрца. У вырай хоча... |
|
|
|
|
Штось нашэптвае цішыня.
Чуеш, час на далонях дрэмле.
Космас зор раскідаў насеньне,
каб сасьпела калосьсе дня.
Покліч золку - у сенцы грук -
гук надзеяў, што б'юцца вобзем,
і паветраным зьмеем сонца
вырываецца з нашых рук. |
|
