Уводзячы дарогу ў стан афекту,
берагi свае пагубляла лужына.
А ў лужыне лямантуе нехта,
нехта напаўпрыдушаны.

Схаваць стараючыся лысiны-дэфекты,
пагорак прыкрывае лоб свой зеленню.
А на пагорку скуголiць нехта,
нехта напаўзастрэлены.

Асвятляючы фарамi навакольныя аб'екты,
спынiўся самазвал, нагружаны арэхамi.
А пад самазвалам стогне нехта,
нехта напаўпераеханы.

Разбiраючы завал iнструментальных камплектаў,
перажоўваючы зубамi кавалак баранiны,
у майстэрнi калупаецца нехта,
нехта напаўадурманены.

I нехта напаў
на напаўпрыдушанага
I нехта напаў
на напаўзастрэленага
I нехта напаў
на напаўатручанага
I нехта напаў
на напаўпераеханага

I ён тых людзей шчаслiвымi зрабiў:
усiх чатырох ён кувалдаю дабiў.